Ragna Björk lá inni á leikteppi áðan meðan ég var að stússast í kvöldmatnum, en þar hafði pabbi hennar lagt hana henni til mikillar skemmtunar :) Dótið á leikteppinu sem Markús Marteinn lánaði okkur er svo skemmtilegt og yfirleitt unir hún sér vel þar. Þegar ég fór svo inn á bað að þvo mér um hendur rak ég augun í að hún lá á maganum og fannst eiginlega endilega að ég hefði séð hana á bakinu stuttu áður, enda kemur það varla fyrir að við leggjum blessað barnið á magann því þá kemur vanalega öll mjólk upp aftur.

Ég kallaði á Jóa og þetta var alveg rétt, hún hafði byrjað á bakinu en var nú búin að rúlla sér yfir á magann. Foreldrarnir urðu auðvitað svakalega stoltir og ég skipaði Jóa að taka strax af henni mynd (rétt eins og það sæist á myndinni í hvaða stöðu hún byrjaði eða þannig...). Ætli ég muni ekki nota allan lausan tíma næstu daga í að sitja yfir henni á leikteppinu með myndavélina í hendinni, tilbúin að taka video af herlegheitunum ef þau gerast aftur! ;)

Já, það er auðvelt að fagna öllum litlum áföngum hjá barninu sínu, enda allt sem gerist á þessum fyrstu árum svo svakalega merkilegt :)