Við tókum eftir því á miðvikudagskvöldið að efri gómurinn í Rögnu Björk var bólginn og það mótaði skýrt og greinilega fyrir tönnum. Hún svaf líka mjög illa aðfararnætur fimmtudags og föstudags enda fylgir tanntökunni núna leiðinda nefkvef.

Í morgun var önnur þeirra búin að brjótast í gegn svo það heyrðist klink þegar bankað var með skeið, og eftir síðdegisblundinn var sú síðari komin í gegn líka :) Tennurnar eru því samtals orðnar fjórar. Nú bíðum við bara spennt eftir að þær færist neðar og fari að sjást almennilega.