Ragna Björk - Hálfs árs gömul!

mynd
 
Ragna Björk


Hálfs árs gömul!

Ragna Björk er nú orðin 6 mánaða gömul og það hljómar hálfótrúlega að það sé virkilega komið hálft ár síðan hún kom í heiminn í mars síðastliðnum. Hún sem er svo nýfædd...!

Tja, reyndar þá hefur það nú ekki farið framhjá okkur að litla rófan okkar er að verða stór stelpa. Hún er nú farin að fá graut tvisvar á dag, er farin að smakka ávaxtamauk og stækkar og dafnar vel. Í síðustu viku byrjaði hún að sitja alveg sjálf og getur setið og dundað sér dágóða stund áður en jafnvægið gefur sig og hún veltur út á hlið. Við þorum samt lítið að láta hana sitja sjálfa á leikteppinu því það er ekki mjög þykkt og örugglega ekki þægilegt að skella með hausinn í gólfið. Bíðum með þá reynslu enn um sinn... Dótalandið (ferðarúmið sem notast sem leikgrind) kemur þar að góðum notum því þar er alveg öruggt að sitja ... og velta :)

Þeir eru líka liðnir dagarnir þar sem hægt var að sitja tímunum saman með dótturina framan á sér eins og hitapoka. Nú bröltir mín kona og hnoðast eins og hún eigi lífið að leysa. Ekkert fer framhjá henni og hún ætlar sér sko ekki að missa af neinu!

Til gamans þá setti ég saman tvær myndir af henni til að birta við þessa færslu - og jú, báðar myndirnar eru af henni! Seinni myndin er tekin í dag á 6 mánaða afmælinu en hin er tekin þegar hún var 11 daga gömul (og var enn svona skemmtilega kaffigul á litinn :) ). Eins og sjá má hefur daman breyst heilmikið - þó þessar breytingar hafi nú að mestu farið framhjá foreldrunum sem héldu í sakleysi sínu að þeir væru enn með nýfæddan hvítvoðung í höndunum... ;)

rbj0_6man.jpg

 


Leggja orð í belg
3 hafa lagt orð í belg
10.09.2007 19:01:17
Til hamingju elsku Ragna Björk þú ert yndisleg.
Kossa og knús fáið þið öll frá ömmu á Selfossi.
Þetta lagði Ragna í belginn
10.09.2007 21:38:43
Til hamingju Ragna Björk! En mér sýnist miðað við myndina að þú og pabbi hafið lítið að gera svo að þú ert komin með sólbrúnku! Vissi ekki að pabbi færi í sólbekki :P
Þetta lagði Kári í belginn
10.09.2007 22:28:46
Svona gengur þetta víst fyrir sig! Skil þetta með hitapokann, svona viss söknuður....! En þú átt nú eftir að fá fleiri hitapoka...;)
Þetta lagði Rakel í belginn