Langar að benda ykkur á tiltölulega nýjan hluta á síðunni undir "Sitt af hverju tagi" en það er tískuþátturinn "Gjörla skal gott nýta" ;) Nú er komið aðeins meira af efni þangað inn svo að það er kannski í lagi að vísa ykkur leiðina.

Mér finnst nefnilega svo gaman að því þegar Ragna Björk er í fötum sem aðrir hafa átt á undan henni og þegar ég hef komist yfir mynd af fyrri eiganda í fötunum þá set ég þær hingað á síðuna ásamt myndum af Rögnu Björk í sömu fötum. Þetta eru reyndar hingað til aðallega föt sem Karlotta hefur átt en þó er von á nokkrum myndum af okkur mæðgum í sömu fötum, þegar Ragna Björk fer að stækka pínulítið meira og passa í gömlu kápurnar og kjólana mína, en það verður líklega ekki fyrr en í fyrsta lagi eftir áramót.