Enn einn "afmælisdagurinn" runninn upp og Ragna Björk orðin 10 mánaða gömul :) Hún dafnar vel enda heilmikið matargat sem elskar að borða. Það er ekkert (nema brokkolí) sem henni finnst vont svo að það er virkilega gaman að gefa henni að borða.

Henni finnst gaman að sýna hvað hún getur og klappar og vinkar eftir pöntun. Einnig sýnir hún okkur reglulega hvað hún er stór og kallar inn á milli báða foreldra sína "mömmu". Hún skríður áfram og nær í það sem hún ætlar sér, er farin að standa sjálf upp við allt sem hún kemst í tæri við og labbar meðfram húsgögnum.

Tennurnar eru nú orðnar fjórar en framtennurnar tvær í efri gómi komu þann 15. desember s.l.