Það er alveg hreint magnað að sjá hvað það geta verið miklar framfarir frá einum degi til annars hjá þessum litlu krílum sem eru að drífa sig að læra að vera fullorðin. Við sögðum frá því í gær að hún væri sífellt duglegri að labba meira og meira, en í dag er hún alveg farin að ganga. Hún pomsar jú ennþá á rassinn inn á milli en gengur óhrædd á milli herbergja vænar vegalengdir og skemmtir sér konunglega yfir nýja frelsinu. Við tókum smá video af henni þegar hún var háttuð í kvöld og komin í náttfötin og það má sjá undir tenglinum hér fyrr í fréttinni.